Mangni (Engagement) 

Mangni Dar Asal Nikah Ka Waada Hai, Agar Ye Rasm Sharayi Taqazo Ke Mutabiq Ki Jaaye To Jaayez Hai Aur Is Mein Ladke Waale Ya Ladki Waale, Dono Ka Ek Dusre Ko Tohfe Dena Zaroori Nahin Hai 
Agar Anguthi Dete Hain To Ye Nahin Hona Chahiye Ke Ladka Khud Ladki Ko Apne Haath Se Anguthi Pehnaye Kyunki Mangni Se Wo Miya Biwi Nahin Ban Jaate Balki Mangni Ke Baad Bhi In Ka Aapas Mein Sharayi Parda Karna Zaroori Hai 

Agar Nikah Mein Mangni Na Bhi Ho Jab Bhi Koi Harj Nahin, Kuchh Log Ise Nikah Ka Hissa Samajhte Hain Halanki Aisa Nahin Hai, Na Ye Nikah Ka Hissa Hai Aur Na Nikah Ke Liye Zaroori 
Murawwaja Mangni Ki Rasm Sab Se Pehle Hindustan Mein Hi Shuru Huyi Aur Hinduo Se Musalmano Mein Aayi (Jaisa Ke Mufti Ahmad Yaar Khan Nayeemi Alaihi Rahma Ne Apni Kitab Islami Zindagi Mein Likha Hai) 

Aaj Kal Mangni Ki Rasm Bahut Si Ghair Sharayi Rasmo Ka Majmua Ban Gayi Hai
Gaane Bajana, Ladko Aur Ladkiyo Ka Be Parda Jama Hona, Aapas Mein Hansi Mazaaq Karna, Ye Sab Haraam Hai Aur Kayi Jagaho Par Ladke Ko Sone Ki Anguthi Pehnayi Jaati Hai Halanki Mard Par Sona Pehenna Haraam Hai 

Kuchh Boodhi Dadiyo Ne Hazrate Fatima Radiallaho Ta'ala Anha Ke Baare Mein Ye Baatein Ghad Rakhi Hain Ke Un Ki Mangni Par Jannat Se Anguthiyo Ke Tohfe Aaye The
Ye Sab Jhoot Aur Manghadat Hai

(انظر: فتاوی یورپ و برطانیہ، ص290، 291)

Abde Mustafa

Post a Comment

Leave Your Precious Comment Here

Previous Post Next Post