Baaqi Auratein Kahan Jaayengi? 

Aksar Mamalik (Countries) Mein Aurato Ki Sharahe Paidaish (Birth Rate) Mardo Se Zyada Hai
Is Ke Ilawa Jungo'n (Wars) Mein Hazaaro Laakho Mard Halaak Ho Jaate Hain Aur Is Tarah Aurato Ki Tadaad Mein Mazeed Izafa Ho Jaata Hai
Agar Har Mard Sirf Ek Aurat Se Nikah Kare To Baaqi Auratein Kahan Jaayengi? Un Ki Zindagiyo Ka Kya? 

Kisi Aadaado Shumaar (Statistics) Ko Dekh Kar Agar Aap Ko Aisa Lagta Hai Ke Aurato Aur Mardo Ki Tadaad Mein Zyada Farq Nahin Hai To Bukhari Shareef Ki Is Hadees Par Bhi Ghaur Karein Jis Mein Qurbe Qiyamat Ke Mutalliq Bayaan Hua Hai Ke Mard Kam Honge Aur Auratein Zyada, Yahan Tak Ke Ek Mard Ki Sarparasti Mein 50 Auratein Hongi 
(بخاری:81)

Ye Maan Lete Hain Ke Abhi Ek Mard Ki Sarparasti Mein 50 Auratein Nahin Hain Lekin Jitni Bhi Hain, Un Se Nikah Kaun Karega? 
Humare Muashre Mein Dusri Shadi Ka Naam Lena Bhi Haraam Ho Chuka Hai To Sawal Phir Apni Jagah Par Hai Ke Baaqi Auratein Kahan Jaayengi? 

Ab Ya To Unhein Saari Zindagi Ghar Mein Baithna Hoga Jo Fitrat Ke Khilaf Aur Zulm Hai Ya Phir Kisi Ke Khawind Ke Saath Najayez Talluqat Qaayim Karne Honge Jis Se Apni Dunya Wa Aakhirat To Barbaad Hogi Hi Saath Mein Us Khawind Ki Biwi Aur Bachcho Ki Zindagi Par Bhi Asaraat Murattab Honge 

Is Ka Ek Hi Hal Hai Ke Chaar Shadiyo Ka Riwaaj Aam Kiya Jaaye Aur Jo Log Chaar Biwiyo Mein Insaf Kar Sakte Hain Wo Zaroor Chaar Shadiya Karein

Abde Mustafa

Post a Comment

Leave Your Precious Comment Here

Previous Post Next Post