Aankhein Nam Kar Dene Waali Yaadein


Nabiye Kareem Sallallaho Ta'ala Alaihi Wasallam Ki Laadli Beti Hazrate Sayyida Zainab Radiallaho Ta'ala Anha Ka Nikah Hazrate Abul Aas Radiallaho Ta'ala Anho Se Hua Tha

Hazrate Abul Aas Junge Badr Mein Mushrikeen Ki Taraf Se The Aur Jung Ke Baad Qaid Kiye Gaye


Makka Waale Apne Logon Ko Riha Karane Ke Liye Fidya Bhej Rahe The To Hazrate Sayyida Ayesha Radiallaho Ta'ala Anha Farmati Hain Ke Hazrate Zainab Ne Bhi Apne Shauhar Ke Fidye Mein Kuchh Maal Bhijwaya Aur Us Mein Wo Haar Bhi Tha To Hazrate Khadija Ne Unhein Shadi Ke Mauqe Par Diya Tha 


Hazrate Ayesha Kehti Hain Ke Jab Huzoor Sallallaho Ta'ala Alaihi Wasallam Ne Wo Haar Dekha To Aap Par Riqqat Taari Ho Gayi 

Aap Sallallaho Ta'ala Alaihi Wasallam Ne Irshad Farmaya Ke Agar Tum Sab Munasib Samjho To Is Qaidi Ko Riha Kar Do Aur Ye Haar Bhi Ise Waapas Kar Do (Allah Allah, Zara Tasawwur Karein Ke Kya Manzar Hoga) 


Logon Ne Arz Ki Ke Ya Rasoolallah Kyun Nahin, Aapka Hukm Sar Aankho Par! 

Phir Unhein Riha Kar Diya Gaya Aur Huzoor Sallallaho Ta'ala Alaihi Wasallam Ne Unse Ahad Liya Ke Wo Hazrate Zainab Ko Madina Aane Denge Aur Phir Kuchh Arse Baad Huzoor Ne Apni Pyaari Beti Ko Madina Bulwa Liya


(ملخصاً: ابو داؤد، کتاب الجہاد، حدیث2692) 


Zara Ghaur Karein Ke Haq Ki Raah Mein Kaise Kaise Halaat Saamne Aate Hain

Aaj Ka Agar Koi Aman Parast Shakhs Kehta Hai Ke Humein Ladne Jhagadne Ki Zaroorat Nahin Balki Mil Kar Rehna Hai Aur Sab Ko Apne Deen Par Chhod Dena Hai To Wo Bilkul Ghalat Kehta Hai

Ye Haq Ki Raah Hai, Is Mein Sirf Khud Ko Nahin Balki Apno Ko Bhi Takleef Uthani Padti Hai

Jo Is Raah Par Chalte Hain Unhein Bahut Kuchh Dekhna Padta Hai


Abde Mustafa

Post a Comment

Leave Your Precious Comment Here

Previous Post Next Post