Chaar Biwiya Aur Huqooq


Jab Bhi Hum 4 Biwiya Rakhne Ki Baat Karte Hain To Sabse Zyada Jo Lafz Sunne Ko Milta Hai Wo Hai "Huqooq" (Yaani Aurat Ka Haq, Uske Rights)

Hum Bhi Yahi Kehte Hain Ke Aurat Ke Huqooq Ada Karna Zaroori Hai Par Mard Ke Huqooq (Rights) Ka Kya? Kya Unka Koi Haque Nahin Hai? Kya Wo Sirf Biwi Ke Mana Karne Ki Wajah Se Dusri Shadi Se Ruk Jaayein? 


Aurat Ke Huqooq Ki 2 Tarah Ki Fehrist (List) Hai, Ek Wo Jo Shariat Ki Taraf Se Hai Aur Ek Wo Jo Muashre Ne Bana Rakhi Hai 

Muashre Ki Banayi Gayi List Najayez Khwahishaat Aur Fuzool Kharcho Par Mushtamil Hai Aur Yahi Wajah Hai Ke Ab "Ek Ko Sambhalna Mushkil Pad Raha Hai" 


Ab Jo Fehrist Shariat Ne Banayi Hai Uske Mutabiq 4 Biwiyo Ke Saath 4 Bandiyo Ka Bhi Kharcha Aaram Se Uthaya Ja Sakta Hai

Har Shakhs Nahin Par Kayi Log Aasani Se 4 Biwiyo Ke Huqooq Ada Kar Sakte Hain

Abhi To Aurato Ke Mutabiq Koi Mard Hi Nahin Bacha Jo 4 Biwiyo Ke Huqooq Ada Kar Sake Aur Ye Ek Bada Waala Aur Safed Jhoot Hai


Hum Kahein Ke Shariat Ki Banayi Huyi Fehrist Ke Mutabiq Biwi Ke Beemar Padne Par Uska Ilaaj Karwana Bhi Wajib Nahin To Kayi Logon Ko Hazam Nahin Hoga

Ye Alag Baat Hai Ke Akhlaqi Taur Par Ilaaj Karwana Chahiye Par Maqsad Ye Batana Hai Ke Zaroori Kya Hai Use Samjhein 

Bas Huqooq Huqooq Ki Ratt Laga Kar Apni Marzi Na Chalayein Balki Ye Samjhein Ke Shauhar Par Wajib Kya Hai Aur Wo Usse Zyada Bataur -e- Ehsaan Kya Kya Mujhe De Raha Hai


Jiske Paas Hazaaro Hain Wo Bhi 4 Biwi Ka Naam Nahin Le Sakta Aur Jiske Paas Laakho Hain Uske Apne Bade Masail Hain To Phir Kya Hum Bhi Aurato Ke Isi Jhoot Ko Tasleem Kar Lein Ke Ab Huqooq Ada Nahin Ho Sakte Ya Phir Ye Dekhein Ke Iske Pichhe Haqeeqat Kya Hai 


Huqooq Ka Mas'ala Bada Hai Par Itna Bada Nahin Jitna Hadd Se Badh Kar Bana Diya Gaya Hai


Abde Mustafa

Post a Comment

Leave Your Precious Comment Here

Previous Post Next Post