Ek Biwi Sambhalti Nahin To 4 Kaise?


Ye Jumla Bilkul Aisa Hai Ke Ek Chakke Se Gaadi Chalti Nahin To 4 Se Kaise Chalegi? 

Chaliye Jab Ek Nahin Sambhalti To Aap Ek Shadi Bhi Kyun Karte Hain? 

Hona To Ye Chahiye Ke Aap Bhi Un Auliya Ki Seerat Par Amal Karein Jinhone Aurato Ke Huqooq Ke Khauf Se Nikah Na Kiya Jaisa Ke Hazrate Bishr Bin Haaris Rahimahullahu Ta'ala Farmate Hain Ke Mujhe Kitabullah Ki Ek Aayat Ne Nikah Se Rok Rakha Hai Ke Aurato Ke Huqooq Hain Aur Shayad Main Ise Ada Na Kar Sakoon


(انظر: قوت القلوب، ج2، ص816)


Agar Ek Nahin Sambhalti Jiska Matlab Hai Ke Huqooq Ada Nahin Ho Paate To Phir Kyun Aap Apne Liye Azaab Ka Samaan Tayyar Kar Rahe Hain? Aapko To Chahiye Ke In Sufiya Ki Seerat Par Amal Karein

Ab Aap Kahenge Ke Hum Un Jaise Nahin Hain Aur Jab 4 Shadiyo Ki Baat Aati Hai To Bhi Yahi Kaha Jaata Hai Ke Hum Pehle Waalo Jaise Nahin Hain 

Aapko Tay Kar Lena Chahiye Ke Aap Hain Kya? Aur Agar Aap Bilkul Alag Hain To Kya Aapne Apna Deen Bhi Alag Kar Liya Hai? 


Asal Mein Baat Huqooq Ki Nahin Kyunki Kasrat Se Aise Log Maujood Hain Jo 4 Biwiyo Ke Huqooq Aasani Se Ada Kar Sakte Hain, Yahan Baat Hai Muashre Ke Banaye Huye Be Bunyaad Usoolo Ki

Aaj Agar Hindo Paak Ke Aksar Ilaqo Mein Dusri Shadi Ki Jaaye To Log Use Ajeeb Nazar Se Dekhte Hain Aur Tarah Tarah Ki Baatein Karte Hain, Aakhir Aisa Kyun? 

Ise Khatm Karna Hoga Taaki Ek Mard Fitrat Ke Mutabiq Jaayez Tariqe Se Fayeda Utha Sake Aur Nikah Ko Aam Aur Aasan Kiya Ja Sake

Agar Ye Na Hua To Aurato Ki Tadaad Waise Bhi Zyada Hai Aur Aage Mazeed Zyada Ho Jayegi Phir Zina Ki Kasrat Hogi Aur Hum Kuchh Na Kar Sakenge


Abde Mustafa

Post a Comment

Leave Your Precious Comment Here

Previous Post Next Post