Ek Din Aur Guzar Gaya


Din Guzarte Ja Rahe Hain! 

Har Din Aata Hai Chala Jaata Hai! 

Humein Lagta Hai Ke Aaj Ke Din Humne Kayi Kaam Kiye Aur Taraqqi Ke Manazil Tay Kar Liye Par Sach Ye Hai Ke Ek Din Aur Guzar Gaya! 


Agar Hum Kisi Ka Saath Na Pa Sake To Uske Baghair Ek Din Aur Guzar Gaya! 

Aur Agar Hum Kisi Ke Saath The To Saath Rehne Ki Muddat Mein Ek Din Kam Ho Gaya! 


Agar Khush The To Khushi Ka Ek Din Aur Guzar Gaya Aur Gham Mein The To Bhi Ek Din Aur Guzar Gaya! 


Khushi Ke Palo Ka Guzar Jaana Qabile Afsos Aur Gham Ke Dino Ka Guzar Jaana Bhi Qabile Afsos Hai Ke Ek Din Aur Guzar Gaya! 


Hum Ruke Hain, Hum Tham Se Gaye Hain Par Din Humare Intezar Mein Nahin, Wo Nazro Ke Saamne Se Guzar Jayega

Hum Aankhein Band Kar Lein Par Haqeeqat Hai Ke Aaj Ek Din Aur Guzar Gaya


Jab Guzarna Hi Hai In Dino Ko To Phir Hum Kyun Inhein Rokne Ki Koshish Karte Hain? 

Na Khushi Ke Lamhaat Ko Pakad Sakte Hain Na Gham Ki Ghadiyo Ko Rok Sakte Hain! 

Bas Guzar Raha Hai, Guzarta Hai Aur Guzar Jayega


Hisaab Koi Nahin Ke Waqt Kise Kya Se Kya Kar Gaya

Bas Sach Hai Ke Aaj Ek Din Aur Guzar Gaya


Abde Mustafa

Post a Comment

Leave Your Precious Comment Here

Previous Post Next Post