Ek Mujahid Ek Hazar Kafir


Kam Se Kam Musalmano Ko Aisa Nahi Sochna Chahiye Ki Jang Tadad Ya Hathiyaro Ki Kasrat Se Jeeti Jati Hai, Ye To Allah Ta'alah Ki Taraf Se Hai  Ke Apne Fazl Se Iman Walo Ko Fatah Ata Farmata Hai, Haan Ye Hai Ki Ladne Ke Liye Aage Badhna Hoga


Ek Baar Ka Waqia Hai Ki Chand Sahaba Lakdiya Jama Karne Ke Liye Gaye To Dushmano Ne Pakad Kar Qaid Kar Liya Phir Sawal Jawab Karne Ke Baad Jang Ka Paigaam De Kar Chod Diya, Ye Harkat Hazrate Khalid Bin Waleed RadiAllaho Ta'alah Anho Par Sakht Na Gawar Guzri, Aap Ne Kafiro Ko Sabaq Sikhane Ke Liye Baara'h Logo Ko Saath Liya Aur Dushmano Ki Fauj Me Saamil Ho Gaye, Ek Lashkar Jo Qile Me Daakhil Hone Wala Tha Us Me Ye Baara'h Mujahideen Is Tarah Saamil Ho Gaye Ki Kisi Ko Maloom Na Hua,


Jab Wahan Ka Hakim Fauj Ke Istaqbaal Ke Liye Qile Se Nikal Kar Aage Aaya Aur Itna Qareeb Aa Gaya Ki Dus Haath Ka Fasila Rahe Gaya To Ye Baara'h Mujahideen Aage Badhe Aur Kafir Ne Socha Ki Ye Dost Meri Tazim Ke Liye Aage Aa Rahe Hai, Us Kafir Ne Marhaba Kehte Hue Kufriya Kalimaat Bakna Shuru Kiye Ki Hazrat Khalid Bin Waleed Kalma -E- Shahadat Padhte Hue Sher Ki Tarah Aage Badhe Aur Use Daboch Kar Apni Talwar Us Ki Gardan Par Rakh Di.


Mujahideen Ne Jab Talware Taan Li To Kafir Sakte Me Pad Gaye, Us Kafir Hakim Ko Ek Jagah Qaid Kiya Gaya Aur Phir Akele Akele Ka Muqabla Shuru Hua, Pehle Hazrate Abu Bakar Siddique Ke Bete Hazrat Abdur Rahman Nikle Aur Panch Shahsawaro Ko Jahnnam Raseed Kar Diya Phir Ek Kafir Se Muqable Me Aap Kaafi Zakhmi Ho Gaye Aur Mujahideen Ke Paas Wapas Aaye Jahan Woh Kafir Hakim Qaid Tha, Jab Hazrat Khalid Bin Waleed Ne Aap Ko Zakhmi Dekha To Jalal Me Aa Gaye Aur Kafir Hakim Jo Qaid Me Tha Us Ki Gardan Uda Di!


Jab Kafiro Ko Maloom Hua Ki Un Ke Hakim Ki Gardan Uda Di Gayi Hai To Sab Tilmila Gaye Aur Hamle Ke Liye Aage Bade, Hazrat Khalid Bin Waleed Ne Ek Sahabi Ko Hazrat Abdur Raheman Ki Hifazat Par Mamoor Kiya Aur Faqat Dus Mujahideen Aage Badhe, Samne Dus Hazar Ka Lashkar Par Idhar Dus Iman Wale The, Hazrat Khalid Bin Waleed Jidhar Jaate Lasho Ke Dher Lag Jate, Isi Tarah Dusre Mujahideen Ne Bhi Apni Bahaduri Dekhai Aur Hazaro Ka Lashkar Faqat Dus Mujahideen Se Pareshaan Ho Gaya.


Subah Se Le Kar Dopaher Tak Jang Jari Rahi, Mujahideen Thak Kar Chur Ho Chuke The Aur Inhe Laga Ki Ab Shahadat Ka Waqt Qareeb Hai Ki Achanak Hazrat Abu Ubaida Bin Al-Jarrah Islami Lashkar Ke Kar Madad Ko Pahuch Gaye Aur Kafiro Ko Bhagne Par Majboor Kar Diya, Woh Bechare Pehle Se Hi Dus Mujahideen Se Pareshaan The Ab To Mazeed Kaise Bardasht Kar Paate.


(فیضان فاروق اعظم، ج2، ص565)


Aap Ne Gaur Kiya Hoga Ke Kafiro Ne Muslamano Ko Pakda Phir Chodh Diya, Us Par Hazrat Khalid Bin Waleed Ne Kafiro Ki Khabar Le Li Par Aaj Kafiro Ki Taraf Se Zulm Par Zulm Kiya Ja Raha Hai Aur Hum Jawab Dena To Door Jawab Dene Ki Sochte Tak Nahi, 

Allah Ta'alah Hume Aur Humari Naslo Ko Deen Par Qurban Hone Ka Jazba Ata Farmaye, Hume Deen Ke Liye Ladhne Ki Taufiq Ata Farmaye.


Abde Mustafa

Post a Comment

Leave Your Precious Comment Here

Previous Post Next Post