Islami Riyaasat


Islami Riyaasat Ki Zarurat Maa-Baap Ki Tarah Hai, Jis Tarah Baghair Maa-Baap Ke Bacchon Ko Duniya Ki Thokrein Khani Padti Hain Bilkul Isi Tarah Baghair Islami Riyaasat Ke Musalmano Ki Zindagi Yateemon Ki Tarah Ho Jaati Hai. Ye Batane Ki Zarurat Nahin Ki Musalmano Ke Sath Kahan Kahan Kya Ho Raha Hai Aur Ye Kis Tarah Bataya Ja Sakta Hai Ki Apne Baccho Ko Tadap Tadap Kar Marta Dekh Kisi Mard Par Kya Guzarti Hogi. Aakhir Kis Tarah Us Bacchi Ke Chehre Ka Naqsha Bayan Kiya Jaa Sakta Hai Jis Ne Ek Hi Din Mein Apne Maa-Baap Aur Bhai Sab Ko Kho Diya Ho Aur Laashon Ke Dher Par Baith Kar Wo Apne Chaaron Taraf Dekh Rahi Ho.


Ek Aisa Manjar Jis Mein Aurton Aur Mardon Ki Tameez Kiye Baghair Un Par Zulm Ke Pahad Tode Ja Rahe Hon, Ise Alfaz Ke Zariye Kaise Bayan Kiya Ja Sakta Hai. Un Be-Gunah Bacchon Ki Wakaalat Kin Lafzon Se Ki Jaye Jinhone Abhi Dekhna Shuru Kiya To Apno Ki Maut Dekhi Aur Khelne Ke Liye Bas Gham Unke Hath Aaya. Wo Aurat Jis Ka Shauhar Bhai Aur Baap Sirf Musalman Hone Ki Wajah Se Mara Gaya. Wo Apne Bacchon Ko Apne Daman Mein Chhipa Kar Ummeed Bhari Nazron Se Idhar-Udhar Dekhti Hai Lekin Koi Ummeed Nazar Nahin Aati, Ise Kis Tarah Likha Ja Sakta Hai. Ye Dard Bhari Dastan Ek Aisi Haqeeqat Hai Jo Har Musalman Jaanta Hai.


Agar Musalmano Ki Apni Riyaasat Hoti To In Mazloomo Ke Difa Ke Liye Khadi Hoti. Us Riyaasat Ke Saaye Mein Humare Bacchon Ka Mustaqbil Jawan Hota. Wo Riyaasat Humare Maa-Baap Ke Qayim Maqam Hoti Jo Kisi Bhi Musibat Ko Hum Tak Pahuchne Se Pehle Apne Upar Le Leti Par Afsos Sad Afsos Humara Aisa Koi Hath Nahin Jis Ki Taraf Hum Ruzu Karein.


Kaash Ki Ab Maayein Fir Se Mujaahid Paida Karein. Kaash Ki Wo Daur Fir Laut Aaye, Kaash Ki Humari Muqaddas Zamino Ko Ham Tahaffuz Faraaham Karne Ke Qaabil Ho Jayein, Kaash Ki Apni Riyaasat Ke Qiyam Ke Liye Ye Qaum Uth Khadi Ho Jaaye.


Abde Mustafa

Post a Comment

Leave Your Precious Comment Here

Previous Post Next Post