Kunwara Nahin Marna


Kunwara Marna Achhi Baat Nahin Hai, Humare Buzurgo Ne Ye Nahin Sikhaya

Hazrate Ibne Mas'ood Radiallaho Ta'ala Anho Farmate The Ke Agar Meri Umr Mein Sirf Dus Din Baaqi Reh Gaye Ho Aur Unke Baad Meri Maut Ho To Main Chahunga Ke Nikah Kar Loon Aur Allah Ta'ala Se Is Haalat Mein Mulaqaat Na Ho Ke Main Kunwara Rahoon


(قوت القلوب، ج2، ص827) 


Imam Ahmad Bin Hambal Rahimahullahu Ta'ala Ke Mutalliq Bayaan Kiya Jaata Hai Ke Aapki Biwi Ka Inteqal Hua To Agle Hi Din Aapne Nikah Kar Liya


Hazrate Bishr Rahmatullahi Ta'ala Alaih Ka Inteqal Hua To Kisi Ne Aapko Khwab Mein Dekha

Aapne Farmaya Ke Mujhe Ye Maqam Ata Kiya Gaya Lekin Shadi Shuda Logon Ke Maqam Tak Na Pahunch Saka (Unko Ahlo Iyaal Par Sabr Karne Ki Wajah Se Ek Khaas Maqaam Haasil Hua) 


Hazrate Maaz Bin Jabal Radiallaho Ta'ala Anho Ki Biwi (Tawoon Ki Wajah Se) Inteqal Farma Gayi To Aapne Farmaya Ke Mera Nikah Kar Do, Main Nahin Chahta Ki Allah Ta'ala Se Is Haalat Mein Milu Ke Main Kunwara Rahoon


(ایضاً) 


Kunware Samaaj Ko Chahiye Ke Is Samaaj Ko Chhod Kar Shadi Shuda Samaaj Mein Dakhila Le Lein

Kunware Se Zyada Shadi Shuda Ki Fazeelat Hai

Mukhtasar Ye Ke Jaldi Jaldi Shadi Kijiye, Kab Tak Kunwara Ki Tanzeem Ke Member Bane Rahenge? 


Abde Mustafa

Post a Comment

Leave Your Precious Comment Here

Previous Post Next Post