Pehle Namaz Phir Taweez


Hazrat Allama Abul Barkaat Syed Ahmad Qadri Rahimahullahu Ta'ala Ke Paas Taweez Lene Waalo Ki Bheed Lagi Rehti Thi

Aap Rahimahullahu Ta'ala Pehle Puchhte Ke Namaz Padhte Ho Ya Nahin? 

Taweez Ka Talabgaar Kehta Ke Nahin Padhta Ya Kabhi Kabhar Padhta Hoon To Farmate Ke Tum Namaz Nahin Padhte To Allah Ta'ala Tumse Naraaz Hai To Phir Mera Taweez Wahan Kya Kaam Karega? 

Is Andaaz Se Aap Logon Ko Namaz Ki Targheeb Dete 


(عظمتوں کے پاسبان، ص56) 


Aise The Humare Akabireen Jo Logon Ko Faraizo Wajibaat Ki Ahmiyat Har Mauqe Par Bataya Karte The

Jo Cheezein Mustahab Hain Unka Inkar Nahin Par Pehle Faraizo Wajibaat Hain Jinka Tark Hazaaro Mustahab Kaamo Ke Tark Se Bura Hai

Aaj Humare Darmiyan Aisa Bhi Dekhne Ko Milta Hai Ke Agar Kisi Ghar Mein Maut Ho Jaaye Aur Phir Ghar Waale Chauthe, Chaliswein Waghaira Ki Mehfil Aur Dawat Na Karein Agarche Wo Sunni Hain To Log Unhein Is Nazar Se Dekhenge Ke Maano Koi Jurm Kar Diya Ho Wahin Agar Wo Poore Ghar Waale Namaz Na Padhte Ho To Phir Logon Ke Liye Koi Badi Baat Nahin Hogi 


Abde Mustafa

Post a Comment

Leave Your Precious Comment Here

Previous Post Next Post