Tum Ghar Baitho, Talwar Humein De Do


Hazrat Umme Ayeman, Jinke Baare Mein Huzur -E- Akram (Salallahu Ta'alah Alaihi Wasallam) Ne Irshad Faramaya Ki : "Meri Haqiqi Maa Ke Baad, Umme Ayeman Meri Maa Hain."

Aap RadiAllahu Ta'alah Anha Jazba -E- Jihad Se Sarshaar Thi, Aapne Ghazwa -E- Uhood Me Ahem Kirdaar Ada Kiya.


Jab Ye Afwaah Phaili Ki Nabi -E- Kareem (Salallahu Ta'alah Alaihi Wa Sallam) Ko Shahid Kar Diya Gaya Hai, To Log Maidan Chhod Kar Wapas Hone Lage, Aur Kuch To Madine Mein Apne Ghar Tak Pahuch Gaye Unki Biwiyo Ne Kaha Ki Afsos Aap Log Maidan Chhod Kar Bhaag Nikle.


Hazrat Umme Ayeman Ne Jab Ye Dekha To Bahut Ghussa Hui, Aur Maidan Se Jaane Walo Ke Chehre Par Mitti Daalne Lagi, Aur Kaheti Ki Ye Tum Kya Kar Rahe Ho? Maidan Chhod Kar Bhagna Mardo Ka Kaam Nahin Tum Gharo Mein Baitho Aur Charkha Kaato, Aur Talwarein Humein De Do. Hum Maidan Mein Dushmano Ka Muqabla Karengi!


(Dekhe "Dala'il Un Nabuwwa'h" Wa Digar Qutube Seerat)


Ye Thi Woh Aurtein Ki Jab Tak Zinda Rahi Tab Tak Islam Ke Naam Se Aalame Kufr Kaanpta Raha, Bade Bade Baadshah Sirf Ginti Ke Musalmano Ka Naam Sun Kar Khauf Khate The, Kyuki Unme Mard To The Hi, Saath Me Aisi Aurtein Maujood Thi.


Aaj Mardo Ka Haal To Apni Jagah Hain, Aur Aurtein Bajaye Islam Ko Taqwiyat Pahuchane Ke Ise Badnaam Karne Par Tuli Hui Hai.

Aazadi Ke Naam Par Deen Wa Shariat Ke Khilaf Zuban Chalati Hai.


Allah Ta'alah Humein Apne Ghar Ki Aurto Ko Islam Ka Sahih Mafhoom Samjhane Aur Taleemaate Nabvi Ko Aam Karne Ki Taufiq Ata Framaye.


Abde Mustafa

Post a Comment

Leave Your Precious Comment Here

Previous Post Next Post