Urdu Shayari Ka Janaza


Urdu Badi Pyari Zaban Hai Aur Jab Is Zaban Mein Shayari Ho To Phir Kya Baat Hai. Ash'aar To Kayi Zabano Mein Milenge Par Urdu Shayari Ki Baat Hi Juda Hai.


Afsos Ki Baat Ye Hai Ke Kuchh Logo Ne Is Pyari Zaban Ki Pyari Shayari Ka Janaza Nikalne Mein Koi Kasar Nahi Chhodi!

Ab Zara Ye Sher Dekhein :


Aye Deen Ke Ghaddar Bulaun Kya Raza Ko

Kar Denge Tadi Paar Bulaun Kya Raza Ko


Phir Ye Bhi :


Tum Log Yazeedi Ho Batate To Hussaini

Chal Jayegi Talwar Bulaun Kya Ali


Ye Urdu Shayari Ka Janaza Hi Hai. Ye Shayari Kam Aur Tafreeh Ka Saman Zyada Maloom Hota Hai. Ek Sher Ye Dekhein :


Hashmati Inko Tewar Dikha Dijiye

Kaan Pe Rakh Ke Ghoda Daba Dijiye


Aisi Shayari Karne Waalo Ko Shayar-e-Hindustan To Pakistan Aur Ustaz-ush-Shu'ara Aur Na Jane Kya Kya Keh Diya Jaata Hai.

Shayari Aisi Ho Jis Mein Fikr-o-Sha'oor Ho. Aise Alfaz Hone Chahiye Ke Sunne Aur Padhne Waala Shayar Ke Gehre Ehsasaat Mein Kho Jaye.

Aap Aalahazrat, Biradar-e-Aalahazrat Aur Tajushshariah Rahimahumullahu Ta'ala Aur Bhi Kayi Hastiya Hain Ke Unke Likhe Gaye Urdu Ash'aar Ko Padhein Phir Aap Khud Ghaur Karenge Ke Aaj Urdu Shayari Ho Rahi Hai Ya Iska Janaza Nikal Raha Hai.


Abde Mustafa

Post a Comment

Leave Your Precious Comment Here

Previous Post Next Post