Walima Yaani Ek Laakh Se Zyada


Walima Yaani Jitne Ki Isteta'at Ho Utne Logon Ko Bula Kar Khana Khila Dena Par Aaj Ke Daur Mein Walima Yaani Ek Laakh Se Zyada Ka Kharch! 

Aapki Taaqat Hai 10 Ghar Ke Logon Ko Khilane Ki Par 50 Se Zyada Aapke Muhalle Mein Hi Ghar Maujood Hain Phir Upar Se Rishtedaro Ki Nazrein Bhi Aap Par Hain Aur Aapne Sab Ka Khaya Hai To Ab Sab Aapse Ummeed Lagaye Baithe Hain

Ab Ye Bataiye Ke Agar 10 Gharo Mein Dawat Di Jaaye To Kin Ko? Aur Kin Ko Chhod Diya Jaaye? 

Jinko Aap Dawat Nahin Denge Wo Aise Naraaz Honge Ke Moonh Naak Sab Phula Lenge To Ab Ek Hi Raasta Hai Ke Qarz Lo Ya Ladki Waalo Ka Gala Dabao Par Walima Karo Halanki Aisa Nahin Hona Chahiye 


Hazrat Allama Mufti Amjad Ali Aazmi Rahimahullahu Ta'ala Walima Ke Mutalliq Likhte Hain Ke Dawate Sunnat Ke Liye Kisi Zyada Ehtimam Ki Zaroorat Nahin

Agar Do Chaar Logon Ko Kuchh Mamooli Cheez Agarche Pet Bhar Kar Na Ho Agarche Daal Roti Chatni Roti Ho Ya Isse Bhi Kam Khila Dein To Sunnat Ada Ho Jayegi Aur Agar Iski Bhi Isteta'at Na Ho To Kuchh Ilzaam Nahin (Yaani Na Khilaye To Koi Haraj Nahin) 


(فتاوی امجدیہ، ج4، ص225) 


Magar Humein Sunnat To Ada Karni Nahin Hai Balki Qarz Le Kar Jis Jis Ka Khaya Hai Us Ka Qarz Ada Karna Hai Aur Dunya Ko Dikhana Aur Raazi Karna Hai To Aisa Walima Asal Mein Walima Hi Nahin

Kayi Aise Log Hain Ke Unke Paas Walima Ke Liye Tent Lagane Ke Bhi Paise Nahin Hain Par Qarz Le Kar Hazaar Ki Tadaad Mein Logon Ka Pet Bharna Padta Hai Phir Bhi Logon Se Yahi Sunne Ko Milta Hai Ke Mujhe Papad Nahin Mila, Mujhe Machhli Ka Piece Nahin Mila, Mujhe Zarda Nahin Mila Aur Mujhe Cold Drink Naseeb Nahin Huyi

Allah Ta'ala Humein Sunnat Par Amal Karne Aur Saadgi Ki Taufiq Ata Farmaye 


Abde Mustafa

Post a Comment

Leave Your Precious Comment Here

Previous Post Next Post