Ye Banda Do Aalam Se Khafa Mere Liye Hai


Kisi Se Pyaar Ho To Allah Ke Liye Aur Kisi Se Nafrat Ho To Bhi Allah Ta'ala Ke Liye. 

Ye Deen Nahi Ke Har Ek Se Pyaar Kiya Jaaye Ya Har Ek Se Nafrat Ki Jaaye. 


Muhaddise Azam Pakistan, Allama Sardar Ahmed Qadri Rahmatullahi Ta'ala A'laih Se Ek Shia Afsar Milne Ke Liye Aaya. Us Ne Jab Haath Milana Chaha To Aap Ne Ye Kehte Huwe Haath Peeche Kar Liya Ke Mere Dil Me Khulafa E Rashideen Aur Sahaba -e- Kiraam Ki Muhabbat Ki Shama' Roshan Hai Aur Mujhe Khatra Hai Ke Is Shama Ki Lau Maand Na Pad Jaaye. 


Isi Tarah Ek Baar Safar Me Ek Mash'hoor Khateeb Se Saamne Ho Gaya To Wo Musafah Karne Ke Liye Aage  Badha. Aap Ne Pehle Poocha Ke Deobandiyo Ki Gusthakhi Bhari Ibaraat Ke Baare Me Aap Ki Kya Raaye Hai? Us Ne Kaha Mai Munazra Karne Ke Liye Nahi Mulaqat Ke Liye Aaya Hoon. 

Aap Ne Farmaya Jab Tak Ibaraat Ka Tasfiya Nahi Ho Jaata, Mai Mulaqat Nahi Kar Sakta 


(Azmato Ke Paasbaan) 


Ye Hota Hai Deen, Jo Ro Ro Kar Aap Ko Ittehad Ki Daa'wat Dete Hai Un Se Door Rahien, Un Ke Makro Fareb Se Bachien. Wo Aap Ko Tauheed Nahi Balke Kufr Ki Taraf Le Jaa Rahe Hain. Tauheed To Ye Hai : 


Tauheed To Ye Hai Ke Khuda Hashr Me Kehde 

Ye Banda Do Aalam Se Khafa Mere Liye Hai. 


Abde Mustafa

Post a Comment

Leave Your Precious Comment Here

Previous Post Next Post