Geebat


Huzoor Ziya Ul Millat Khalifa E Aala Hazrat Allama Ziyauddin Muhajir Madni Alaihir Rehma Ki Majlis Me Koi Geebat Na Kar Sakta Tha. Agar Koi Jurrat Karta Toh Aap Buland Awaaz Se Durood Shareef Padhne Lagte Aur Kisi Na Kisi Tarah Us Ko Geebat Se Rok Dete. Humari Mehfilo Me Geebat Ka Riwaaj Hai,

Apno Ke Geebatein

Ghairo Ki Geebatein

Mohsino Ki Geebatein

Buzorgo Ki Geebatein

Goya Geebat Odhna Bichhona Ho Gaya! Khud Bigadte Hain, Dusron Ko Bigaadte Hain!


Hazrat Ziyaul Millat Alaihir Rehma Ka Daamane Ismat Geebat Se Bilkul Paak Tha, Na Geebat Sunnte Na Geebat Karte, Vo Milte Bhi The Milaate Bhi The Hum Apno Se Duur Hote Chale Jaate Hain Aur Duur Karte Chale Jaate Hain.


(Khalifa Muhaddise Barelvi Az Maahire Razwiyat Mas'oode Millat Dr. Mas'ood Ahmed Naqshbandi Mujaddidi Rehmatullah Alaih)


Ek Hum Hain Jin Ki Koi Majlis Bagair Geebat Ke Nahin Hoti! Jab Kabhi Chaar Log Mile Geebat Sunne Sunaane Ka Bazaar Garam Aur Mehsoos Tak Nahin Karte Ke Hum Kitni Aasaani Se Dozakh Ka Saamaan Ikhatta Kar Rahe Hai. Kaash Humein Fikr Aakhirat Naseeb Hojaye.  Kuch Kehne Sunne Se Pehle Zara Sochein Ke Kya Keh Sunn Rahe Hain, Ye Kehna Sunna ALLAH Paak Ki Nafarmani Ka Baa'is Toh Nahin?


Abde Mustafa

Turabul Haq Qadri

Post a Comment

Leave Your Precious Comment Here

Previous Post Next Post