Kya Chhat Phaad Kar Meraj Ke Liye Safar Hua?

Behrul Uloom, Hazrat Allama Mufti Abdul Mannan Aazmi Rahimahullahu Ta'ala Se Sawal Kiya Gaya Ke Zaid Kehta Hai Ke Jab Huzoor Sallallaho Ta'ala Alaihi Wasallam Ko Meraj Huyi To Aap Umme Haani Ke Ghar Mein Tashreef Farma The Aur Aap Chhat Phaad Kar Arshe Mualla Par Gaye, Darwaze Se Nahin Isliye Zanjeer Hilne Ki Koi Zaroorat Nahin Aur Ye Zanjeer Ke Hilne Waali Baat Sahih Nahin Aur Allah Ta'ala Se 90 Baatein Huyi Jin Mein Se 60 Aapne Bayaan Ki Aur 30 Chhupa Li

Aap Jawab Mein Likhte Hain Ke :

Hadees Mein Jibreel -e- Ameen Ke Baare Mein To Ye Hai Ke Jab Wo Meraj Ke Liye Aaye To Darwaze Se Nahin Balki Chhat Ko Phaad Kar Aaye Lekin Huzoor Isi Phati Huyi Chhat Se Arsh Pe Gaye Ye Baat Riwayat Mein Nahin Balki Zaid Ki Atkal Pachhu Hai

Mulla Ali Qaari Ne Mirqaat Mein Aur Shaykh Abdul Haq Muhaddise Dehelvi Ne Lam'aat Mein Likha Hai Ke :

Riwayato Mein Is Mauqe Par Kayi Alfaaz Aaye Hain, Kisi Mein Hai Ke Main Hateem Mein So Raha Tha Aur Baaz Mein Hai Ke Baitullah Ke Paas Tha Aur Baaz Mein Hai Ke Mere Ghar Ki Chhat Khuli Aur Main Makka Mein Tha Aur Baaz Mein Hai Ke Shaibe Abi Talib Se Meraj Huyi Aur Baaz Mein Hai Umme Haani Ke Ghar Se, In Sab Riwayato Mein Tatbeeq Ye Hai Ke Ye Sab Jagahein Qareeb Hi Hain, 

Aap Umme Haani Ke Ghar The, Ghar Ki Chhat Khuli Aur Isse Firishta Utra Phir Wo Mujhe Baitullah Shareef Mein Le Aaya

Dekhiye Yahan Saaf Tehreer Hai Ke Ghar Mein Se Kaaba Shareef Ke Paas Laaye To Ghar Ki Chhat Phaad Ke Aane Ki Kya Zarurat Thi

Zaid Kisi Riwayat Mein Ye Nahin Dikha Sakta Ke Huzoor Chhat Phaad Kar Arshe Mualla Ke Liye Gaye 

Aaj Log Deeno Mazhab Se Door Ho Gaye Hain, Be Padhe Likhe Log Deeni Mamlaat Mein Dakhal Dene Lage Hain

Khud Bhi Gumraah Hote Hain Aur Dusro Ko Bhi Gumraah Karte Hain 

(فتاوی بحر العلوم، ج5، ص181، 182)

Abde Mustafa Official

Post a Comment

Leave Your Precious Comment Here

Previous Post Next Post